අවුරුදු මේසයට කේක් අනිවාර්යයි. හැමදාම කන චොක්ලට් කේක් හෝ බටර් කේක් වෙනුවට වෙනස් විදිහේ කේක් කෑල්ලක් රස විදිමුද?
අවශ්‍ය ද්‍රව්‍ය :
- පිටි කෝප්ප 2
- ලුණු ස්වල්පයයි
- බේකින් පවුඩර් තේ හැදි 3
- සුපර් ෆයින් ශුගර් කෝප්ප 1 1/2යි (හොයා ගන්න අමාරු නම් සුදු සීනි බ්ලෙන්ඩර් කර ගන්න. නැතිනම් අයිසින් ශුගර් පාවිච්චි කරන්න.)
- කිරි කෝප්ප ½
- ඔරේන්ජ් ජූස් ½
- වෙජිටබල් ඔයිල් කෝප්ප ½
- බීට් කල බිත්තර 3
- කුඩු කරගත් දොඩම් පොතු තේ හැදි ½
ෆ්රොස්ටින්ග් එකට අවශ්‍ය ද්‍රව්‍ය :
- බටර් මේස හැදි 6
- අයිසින් ශුගර් කෝප්ප 2
- ඔරේන්ජ් ජූස් මේස හැදි 2
- වැනිලා ස්වල්පයක්
- කුඩු කල දොඩම් පොතු ස්වල්පයක්
කිරි, ඔරේන්ජ් ජූස්, තෙල්, දොඩම් පොතු හා ගසා ගත් බිත්තර මිශ්‍ර කර පැත්තකින් තබන්න. පිටි, බේකින් පවුඩර් හා ලුණු එකට හලා ගන්න. (මේ විදිහට හලා ගත්තම හොදට පිපිලා එනවා.) එයට සීනි හා කිරි මිශ්‍රණය එක්කර ෆැරන්හයිඩ් අංශක 350/ සෙල්සියස් අංශක 175ක මිනිත්තු 35ක් බේක් කර ගන්න.
ෆ්රොස්ටින්ග් එක හදා ගන්නේ මෙහෙමයි.
බටර් හොදින් ගසා ගන්න. එයට අයිසින් ශුගර් ටික ටික දමා බීට් කරගන්න. එය හොදින් බීට් වූ පසු ඔරේන්ජ් ජූස් එක් කර මද වේලාවක් තබා එයට වැනිලා හා දොඩම් පොතු එක්කර කේක් එක මත තවරා ගන්න.
